საქართველოს არბიტრთა ასოციაცია
საქართველოს არბიტრთა ასოციაცია

2019 წლის 1 ივნისს, სასტუმრო „რუმს ჰოტელ თბილისში“ ევროკავშირისა (EU) და გაეროს განვითარების პროგრამის (UNDP) მხარდაჭერით საქართველოს არბიტრთა ასოციაციის საერთო კრება გაიმართა.

 

საერთო კრების პირველი ნაწილი 2018 წლის ანგარიშის განხილვას და დამტკიცებას დაეთმო, რომელიც ასოციაციის წევრებს მმართველი საბჭოს თავმჯდომარემ, სოფიო ტყემალაძემ წარუდგინა. 2018 წლის ანგარიშის დამტკიცების შემდგომ, წევრებმა იმსჯელეს ასოციაციის 2019 წლის პრიორიტეტებზე.  აღსანიშნავია, რომ ასოციაციის 2019 წლის აქტივობების უმეტესობა ევროკავშირისა და გაეროს განვითარების პროგრამის მხარდაჭერით განხორციელდება, ახლი 18-თვიანი გრანტის ფარგლებში.

 

გარდა წლიური ანგარიშის დამტკიცებისა და მომდევნო წლის გეგმების განხილვისა, წლევანდელ კრებაზე მოხდა რიგ მნიშვნელოვან საკითხებზე გადაწყვეტილებების მიღება:

 

  • დამტკიცდა არბიტრთა აკრედიტაციის სისტემა. სისტემის თანახმად, ასოციაციაში დამკვიდრდება აკრედიტებული არბიტრის სტატუსი, რასაც ასოციაცია გასცემს წინასწარ განსაზღვრული კრიტერიუმების საფუძველზე. ასევე, ასოციაცია 2019 წლიდან დაიწყებს სასწავლო მოდულების შეთავაზებას, რომელთა წარმატებით გავლის შემთხვევაში დაინტერესებულ პირებს შესაძლებლობა ექნებათ გახდნენ ასოციაციის მიერ აკრედიტებული არბიტრები;
  • შევიდა ცვლილებები წესდებაში, რაც ასოციაციის საქმიანობას უფრო მოქნილს და ეფექტიანს გახდის;
  • შევიდა ცვლილებები დისციპლინური წარმოების წესებში, რითაც გაიმიჯნა მომკვლევის ინსტიტუტი და განმტკიცდა მისი დამოუკიდებლობის გარანტიები;

 

ორივე დოკუმენტის ახალი რედაქცია, საჯარო რეესტრში რეგისტრაციისთანავე, დაიდება ასოციაციის ვებ გვერდზე.

 

კრების ბოლოს მოხდა ასოციაციის მმართველი საბჭოსა და დისციპლინური კომისიის წევრების არჩევა. კრებამ ფარული კენჭისყრით აირჩია შემდეგი პირები:

 

მმართველი საბჭოს წევრები:

 

  • სოფიო ტყემალაძე (მეორე ვადით)
  • გიგა ბათლიძე (მეორე ვადით)
  • ბექა ინჯია (მეორე ვადით)
  • სერგი ჯორბენაძე (პირველი ვადით)
  • თეონა ჟიჟიაშვილი (პირველი ვადით)
  • ჯაბა გველებიანი (პირველი ვადით)
  • მაჯა ნაჭყებია (პირველი ვადით)
  • ოლია სეფიაშვილი (პირველი ვადით)

 

დისციპლინური კომისიის წევრები:

 

  • გიორგი თითბერიძე
  • მაკა თოდუა
  • ლაშა ნოდია
  • კახა წიქარიშვილი

 

რომლებიც შეუერთდებიან დისციპლინური კომისიის არსებულ წევრებს, ლევან ნანობაშვილს და ლინა ჯიქიას.

 

ასოციაციის წევრებმა მადლობა გადაუხადეს მმართველი საბჭოს გამავალ წევრებს: ლაშა ნოდიას, ვახტანგ ხმალაძეს, ირაკლი კორძახიას, გიორგი თითბერიძეს და იამზე ლეგაშვილს, რომელთაც დიდი წვლილი შეიტანეს ასოციაციის 2018 წლის საქმიანობაში და მოლოდინია, რომ გააგრძელებენ აქტიურობას, როგორც ასოციაციის წევრები.

2018 წლის 29 ნოემბერს ქალაქ ქუთაისში, ხოლო 30 ნოემბერს ქალაქ ბათუმში, პრაქტიკოსი იურისტებისა და აკადემიური წრის წარმომადგენლებისათვის გაიმართა ტრენინგი თემაზე არბიტრაჟის აქტუალურ საკითხები და ეთიკა არბიტრაჟში.

 

სამუშაო შეხვედრა გაიმართა საქართველოს არბიტრთა ასოციაციისა და საქართველოს ადვოკატთა ასოციაციის ორგანიზებით,  ევროკავშირისა (EU) და გაეროს განვითარების პროგრამის (UNDP) მხარდაჭერით.

 

სამუშაო შეხვედრის მიზანს წარმოადგენდა არბიტრაჟის აქტუალური საკითხების განხილვა დაინტერესებულ იურისტებთან, არბიტრაჟის შესახებ საქართველოს კანონის, მათ შორის, კანონში 2015 წელს შესული ცვლილებების მიმოხილვა, ისევე როგორც საქართველოს არბიტრთა ასოციაციის მიერ 2014 წლის 20 თებერვალს მიღებული „არბიტრთა ეთიკის კოდექსის“ და მისი აღსრულების მექანიზმებისა პრეზენტაცია და არბიტრთა ეთიკის ზოგადი პრინციპების მიმოხილვა.

 

ტრენინგის მომხსენებლები იყვნენ ქალბატონი ანა ნებიერიძე - საქართველოს იუსტიციის სამინისტროს „არბიტრაჟების დეპარტამენტის“ უფროსი მრჩეველი, საქართველოს ადვოკატთა ასოციაციის ADR-ის კომიტეტის წევრი; ქალბატონი იამზე ლეგაშვილი - დავების განმხილველი ცენტრი-ს საარბიტრაჟო სასამართლოს

თავმჯდომარე, საქართველოს არბიტრთა ასოციაციის მმართველი საბჭოს წევრი და ბატონი ვახტანგ ხმალაძე - საქართველოს არბიტრთა ასოციაციის მმართველი საბჭოს წევრი.

 

სამუშაო შეხვედრები ინტერაქტიული დისკუსიის ფორმატში მიმდინარეობდა. მომხსენებლებმა ისაუბრეს არბიტრაჟის, როგორც დავების მოგვარების ალტერნატიული მექანიზმის შესახებ, განიხილეს მისი უპირატესობები და დავის პროცესში წარმოქმნილი მნიშვნელოვანი პრაქტიკული საკითხები. განხილული იყო ისეთი საკითხები როგორიცაა საარბიტრაჟო დათქმის შედგენის თავისებურებანი, საარბიტრაჟო გადაწყვეტილების ცნობა-აღსულებასთან დაკავშირებული საკითხები, ეთიკის ვალდებულება და მნიშვნელობა, ისევე როგორც საქართველოს სასამართლოების პრაქტიკა.

 

ვიმედოვნებთ, რომ არბიტრაჟის მიმართულებით ადვოკატთა ტრენინგის მიზნით, თანამშრომლობა საქართველოს არბიტრთა ასოციაციასა და საქართველოს ადვოკატთა ასოციაციას შორის 2019 წელსაც გაგრძელდება.

2018 წლის 2 ოქტომბერს საქართველოს პარლამენტის იურიდიულ საკითხთა კომიტეტმა არბიტრაჟის საკითხებზე იმსჯელა.

 

კომიტეტის სხდომაზე ევროკავშირისა (EU) და გაეროს განვითარების პროგრამის (UNDP) წარმომადგენლებმა ისაუბრეს კავკასიის კვლევითი რესურსების ცენტრის მიერ 2017 წლის აგვისტო-ნოემბრის პერიოდში ჩატარებული კვლევის შესახებ, რომელიც ეხებოდა საქართველოში არბიტრაჟის არსებული მდგომარეობისა და მისი განვითარების პერსპექტივების შესწავლას; კვლევა ასევე მოიცავდა არსებული კანონმდებლობისა და სასამართლო პრაქტიკის მიმოხილვას.

 

კომიტეტის სხდომაზე სიტყვით გამოვიდა საქართველოს არბიტრთა ასოციაციის თავმჯდომარე, სოფიო ტყემალაძე, რომელმაც დამსწრე საზოგადოებას ასოციაციის საქმიანობა და მიზნები გააცნო, ისაუბრა ასოციაციის საკანონმდებლო ინიციატივებზე მომუშავე ჯგუფის საქმიანობისა და მათი იურიდიულ საკითხთა კომიტეტთან სამომავლო თანამშრომლობის შესახებ.

 

კომიტეტის წევრებმა და ასოციაციის თავმჯდომარემ დისკუსიის ფორმატში იმსჯელეს საქართველოში არბიტრაჟის წინაშე მდგარ გამოწვევებსა და ძირითად პრობლემებზე.

 

იურიდიულ საკითხთა კომიტეტის თავმჯდომარემ - ქალბატონმა ეკა ბესელიამ გამოხატა კომიტეტის დაინტერესება არბიტრაჟის საკითხების მიმართ და გამოთქვა მზაობა ამ მიმართულებით განხილვების გაგრძელებაზე.

 

საქართველოს არბიტრთა ასოციაცია აგრძელებს საკანონმდებლო ცვლილებების პროექტზე მუშაობას რომელიც 2018 წლის ბოლოს წარედგინება პარლამენტს გაფართოებულ სამუშაო ჯგუფში განხილვების გაგრძელების მიზნით.

2018 წლის 4 მაისს, სასტუმრო “ჰოლიდეი ინში” ევროკავშირისა (EU) და გაეროს განვითარების პროგრამის (UNDP) მხარდაჭერით საქართველოს არბიტრთა ასოციაციის საერთო კრება გაიმართა. კრებაზე გახსნითი სიტყვით წარდგა UNDP-ის წარმომადგენელი რუსუდან ტუშური და დამსწრე საზოგადოებას ასოციაციის მხარდაჭერის პროექტი გააცნო.

 

 

საერთო კრების პირველი ნაწილი არბიტრთა ეთიკის სტანდარტების განხილვასდაეთმო . წევრებმა დისკუსიის ფორმატში იმსჯელეს ეთიკურ გამოწვევებზე და პრაქტიკაში არსებულ პრობლემებზე. ამის შემდგომ, ასოციაციის მმართველი საბჭოს თავმჯდომარემ, სოფიო ტყემალაძემ კრებას გამგეობის მიერ ინიცირებული წესდებაში შესატანი ცვლილებები წარუდგინა. ასოციაციის წევრებმა იმსჯელეს და კვალიფიციური უმრავლესობით დაუჭირეს მხარი ცვლილებებს, რომელთა შედეგად ყოველწლიური საწევრო გადასახადი გახდა 100 ლარი (ნაცვლად 50 ლარისა) ხოლო კრების ქვორუმი გახდა 25% (ნაცვლად 50%-ისა.). ცვლილებების მიზანია ხელი შეუწყოს არბიტრთა ასოციაციის საქმიანობის მდგრადობას და მოქნილობას.

 

კრების ბოლო ნაწილში წარდგენილ იქნენ ასოციაციის დისციპლინური კომისიის წევრობის კანდიდატები. ნომინირებული 8 კანდიდატიდან კრებამ ფარული კენჭისყრით დისციპლინური კომისიის შემდეგი 6 წევრი აირჩია: ლევან ნანობაშვილი, ლინა ჯიქია, ნინო ბაქაქური, გიორგი ჯუღელი, ზვიად კორძაძე და მაკა ნაჭყებია. დისციპლინური კომისიის წევრების არჩევა მნიშნველოვანი და საბოლოო ნაბიჯია არბიტრთა ეთიკის კოდექსისა და არბიტრთა ასოციაციის დისციპლინური პასუხისმგებლობისა და წარმოების წესების პრაქტიკაში ასამოქმედებლად.

პრაღის წესების ოფიციალური გამოშვება
პრაღის წესების ოფიციალური გამოშვება
პრაღის წესების ოფიციალური გამოშვება
გზამკვლევი არბიტრაჟში (მეორე წიგნი)
გზამკვლევი არბიტრაჟში (მეორე წიგნი)
გზამკვლევი არბიტრაჟში (მეორე წიგნი)
Short-Term Expert on Arbitration
Short-Term Expert on Arbitration
Short-Term Expert on Arbitration
ახალი სამუშაო ჯგუფები
ახალი სამუშაო ჯგუფები
ახალი სამუშაო ჯგუფები

გაგვაცანით თქვენი ინტერესები და საჭიროებები! რა საკითხზე ისურვებდით სასწავლო მოდულის/ტრენინგის/სამუშაო შეხვედრის ჩატარებას?

რა იქნებოდა თქვენვის მისაღები ხანგრძლივობა?

 

 

მოგვწერეთ მითითებულ ელ.ფოსტაზე: gaa.arbitration@gmail.com
შემოუერთდით ასოციაციას დღესვე!